| Anson's profile歡迎光臨！PhotosBlogLists |  Tools  Help |
|
March 26 痛…我隻腳已經無乜大礙，可以正常咁行路，但唔可以跑…
我隻手仲有啲痕同腫，而且仲係無乜力，我諗要再唞下先得…
外表o既傷痕會一日一日咁好番，但內心o既痛幾時至會好呢？
唔知點解愈嚟愈討厭自己，哈哈… March 21 何謂"愛"？何謂"愛"？
兩個人由唔相識變為認識，由朋友發展成情侶，由相愛變為熱戀，由愛情轉為感情，由穩定變成冷淡，由爭吵引致分開…
同時間，兩個人由唔信任變為肯定，由希望轉化為承諾，由坦白變作隱瞞，由猜疑化作失望，由絕望變為心死… February 13 第90天~日子一日一日咁過，聽日已經係第90日啦，漸漸我發覺自己失去咗自信、對身邊o既人同事都失去晒信心，對所有嘢都提唔起興趣，慢慢地時間、日子都已經變得迷糊、變得毫無意義…
但每個月我總會記得14號呢一日，因為我始終忘記唔到11月14號呢個日子，由嗰日起我o既人生起咗好重大o既變化…
咁啱聽日又係14號，原本情人節對一雙雙熱戀中o既戀人嚟講係一個充滿愛、充滿幸福o既大日子，但對我嚟講只會係雙重痛苦、雙重難受o既日子…
呢一刻，我o既思緒好混亂，唔知自己想點，好沮喪，我只想離開呢到地方，但唔知自己想去邊、去幾耐…
不過我絕對唔會做傻事，因為仲有一個人令我放唔低，呢個就係同我一個餅印o既"媽媽"，由細至大佢都好愛錫我，我同自己講過一定會照顧佢至終老，但我呢個時候好想去散下心，俾啲空間自己去思考下…
February 12 It's time to go~好耐未試過一個人去睇戲啦，今日晏晝去咗睇"家有囍事2009"，全間戲院唔夠十個人，有啲係一雙一對嚟睇，有啲係同我一樣自己一個人嚟，雖然呢套唔係啲咩大製作，但話晒都係一套笑片，睇完心裏o既感覺都舒服咗，起碼唔駛諗咁多嘢呀…
一日復一日，我o既意志不斷咁被磨滅，真係好難頂…
一年復一年，我好希望可以同自己心愛o既人一齊渡過一啲時節，可惜都係有緣無份…
我只可以安慰自己講句：無希望，就唔會有失望啦！ 嘻嘻…
It's time to go for me ...
其實我不快樂… February 10 夢一場~噚晚發咗一個好有喻意的夢，夢裏面見到"她"着住一套白色o既婚紗，面帶住燦爛o既笑容，正喺度等待佢o既白馬王子，而喺呢個時候"他"着住一套白色o既禮服慢慢咁走向佢身邊，之後佢哋兩個手拖住手，滿面帶住幸福同燦爛o既笑容，一步一步咁走向遠處o既教堂…
其實"她"與"他"早已經係旁人公認為"天造地設"o既一對，多年嚟經歷過好多風風雨雨，而最終能夠一齊步向人生o既另一個階段，見到呢個情境我真係好感觸…
瞓醒之後就令我更加明白到人要知道自己o既定位，有好多嘢係唔可以勉強o既…
"人要先學懂放下，才會學懂珍惜…"
"緣起、緣滅，其實到頭嚟都只不過係夢一場…"
呢首歌唔知大家仲記唔記得呢？
風中風中 心裡冷風 吹失了夢 事未過去 就已失蹤 此刻有種種心痛 心中心中 一切似空 天黑天光都似夢 迷迷惘惘 聚滿心中 追蹤一片冷的風 各種空虛 冷冷冷 吹起吹起風裡夢 過去的心 火般灼熱 今天已變了冰凍 記憶中突然又痛 只因空虛再作弄 你似北風 吹走我夢 就讓一切隨風 風中風中 心裡冷風 吹失了夢 事未過去 就已失蹤 此刻有種種心痛 心中心中 一切似空 天黑天光都似夢 迷迷惘惘 聚滿心中 追蹤一片冷的風 各種空虛 冷冷冷 吹起吹起風裡夢 過去的心 火般灼熱 今天已變了冰凍 記憶中突然又痛 只因空虛再作弄 你似北風 吹走我夢 就讓一切隨風 February 09 一首感動的歌 - 你的承諾女:烏雲遮蔽了天空 窗外又是陰雨時候 傘下的戀人中 不再有你我手牽手 一切過了太久 男:我們的十字路口 下一站是誰在等候 你我的方向盤卻向著相反的彼岸 終點還是分開 合:告別你我離開之後 這回憶可以保留當初那美好的感動 男:你說你記住了 不為彼此難過 合:過各自的生活 合:oh baby~~ 你答應我的我都記得 但是你卻忘了你的承諾 女:不是說好彼此都不再聯絡 合:誰都別再犯錯 是我的固執讓你難過 但是分手卻也無法選擇 男:我走了以後 你要好好生活 不要想我 也別再哭了 男:我們的十字路口 下一站是誰在等候 女:你我的方向盤卻向著相反的彼岸 終點還是分開 合:告別你我離開之後 這回憶可以保留當初那美好的感動 男:你說你記住了 不為彼此難過 合:過各自的生活 合:oh baby~~ 你答應我的我都記得 但是你卻忘了你的承諾 女:不是說好彼此都不再聯絡 合:誰都別再犯錯 是我的固執讓你難過 但是分手卻也無法選擇 男:我走了以後 你要好好生活 不要想我 也別再哭了 合:你答應我的我都記得 但是你卻忘了你的承諾 男:不是說好彼此都不再聯絡 女:不再聯絡 男:誰都別再犯錯 合:是我的固執讓你難過 但是分手卻也無法選擇 男:我走了以後 你要好好生活 合:不要想我 男:也別再哭了 January 14 近期一首好愛o既歌曲 - 國境之南
如果海會說話 如果風愛上砂 我會聆聽浪花 讓風吹過頭髮 非得等春天遠了夏天才近了 當陽光再次回到那 飄著雨的國境之南 當陽光再次離開那 太晴朗的國境之南 海很藍 星光燦爛 我仍空著我的臂彎 當陽光再次回到那 飄著雨的國境之南 當陽光再次離開那 太晴朗的國境之南 May 12 泰國之旅2008January 10 奇妙的感覺噚日第一日返北角，其中一位同事o既英文名竟然同A小姐一模一樣喎，真係咁啱得咁Q，嘻嘻
 …而今日仲神奇，我以前2位舊公司o既老細分別打俾我喎，雖然大家只係寒暄幾句、問候下，但大家都已經有晒共識。 佢兩位都係我o既恩師，第一位係由UA時代已經好關照我o既杜生，若果無佢o既提攜，今日我可能仲係舊公司做緊一個小職員。 雖然今日我同佢都離開咗舊公司，但大家都好希望再有機會合作，但可惜今次真係timing唔啱，若果佢呢個電話早啲打嚟o既話，今日o既結局可能唔會係咁… 而另一位係我喺CF時代好疼惜我o既曾生，其實未嚟呢間公司之前我真係有諗過返去幫佢手，可惜舊公司喺制度上存在o既問題，令我打消咗呢個念頭，但我真係好想同佢say句sorry
 ，我都知佢好辛苦，不過老細你要撐住呀…今晚我o既心情真係好複雜，不過既然我已經決定咗行呢條路，我一定會繼續堅持落去。 其實天下咁大，我哋一定有好多機會可以再合作o既，但我真係好衷心多謝兩位對我o既賞識，多謝晒…
 December 29 一首有意思的歌…遊到赤地 假設懸命於一線 都不在乎你 如快樂已是過期 亦都給你 這厭惡受不起 還要再避 可以巡例敷衍你 磨滅兩周 再沒轉機 生死前再也沒法講 就像被隔離 原來失望夠 愛情無論多深厚 始終都變舊 沒有朝夜咀咒 或者追究 跟你還是分手 無需內疚 各自尋覓得拯救 為何還在拖手 亦或相處下去等於揭開傷口 是快樂過都不需佔有 遊到赤地 假設懸命於一線 都不在乎你 如快樂已是過期 亦都給你 這厭惡受不起 還要再避 可以巡例敷衍你 磨滅兩周 再沒轉機 生死前再也沒法講 就像被隔離 原來失望夠 愛情無論多深厚 始終都變舊 沒有朝夜咀咒 或者追究 跟你還是分手 無需內疚 各自尋覓得拯救 為何還在再拖手 亦或相處下去等於揭開傷口 是快樂過都不需佔有 為何還在心不對口 只怕我們沒法突破這關口 就算不開口 然後 原來失望夠 愛情無論多深厚 始終都變舊 沒有朝夜咀咒 或者追究 跟你還是分手 無需內疚 各自尋覓得拯救 為何還在再拖手 亦或相處下去等於揭開傷口 是快樂過都不需佔有 假設有 更難自救 October 30 台灣之旅 (Round 2)我今年第2次去台灣呀，而今次o既partner係由ua時代識佢o既"尼路臣"…
行程第1日：5點幾就要起身去機場，真係攞命，好彩無遲到，之後搞掂晒check-in啲嘢就去食早餐，但咁啱俾我哋撞到舊公司一名高層喎，呢個世界真係細… 另一發現就係原來CXo既早餐真係有番咁上下，好好味… 時間過得好快，個零鐘頭機就到達目的地"台北中正機場"啦，今次我哋係跟美x華，雖然唔係報最好o既團，但架旅遊巴竟然係豪華嗰隻，張張都好似飛機椅咁，無得頂… 我哋第一個景點就係去"九份"，影下相、飲飲食食咁，唔錯唔錯… 之後就坐車去美麗華商場，坐下摩天輪、行吓、食吓… 之後就去咗"點水樓"食小籠包，幾好味… 之後就返飯店放底行李，再向西門町出發… 經過一日辛勞o既行程，點都要去輕鬆吓，之後約埋台灣o既朋友仔去飲杯嘢、唱吓歌，最後去7仔買埋宵夜就返去啦，好快第1日就咁完結啦…
第2日係自由行呀：我哋瞓到點幾先出發，先先去"台北車站"搵我至愛o既高鐵呀、火車呀，之後就坐捷運返西門町食"阿宗麵線"，之後再坐捷運去另一位朋友到放底啲手信，佢真係好呀，買咗"繼光鹽酥雞"俾我哋食o添，真係幾好味喎… 之後我哋2條友就去咗"淡水"行吓街、影下相，最緊要就係買"阿婆鐵蛋"啦… 之後返飯店沖個涼就再返去搵佢哋食飯啦，而今次再唔係去食牛肉麵，而係食超抵鐵板牛扒、羊扒同豬扒，抵在幾十蚊就有湯、有茶，仲有鐵板有埋隻蛋同麵底，您話抵唔抵？ 之後去咗附近飲嘢，最後就乖乖返酒店瞓覺覺豬，但臨瞓前點都要食番啲嘢補充吓先，因為第2日要早起身呀…
第3日我哋用咗5分鐘時間食完個早餐就上車，第1站就去咗"故宮博物館"參觀，之後就向真珠養殖場出發，我仲買咗樽真珠粉俾阿媽o添，乖仔呢？呵呵… 之後我哋再向"深坑豆腐街"出發，到達後就喺附近間"左鄰右舍"醫吓肚先，啲餸好好味呀，但轉頭就向豆腐街邁進啦，果然啲臭豆腐確係好味呀… 之後我哋就向"日月光溫泉山莊"出發，可惜只係浸咗1粒鐘到，之後就去"士林夜市"掃街啦，今次同早幾次去食o既嘢一樣，"豪大雞排"同"棺財板"再加件"水煎包"，好好味呀… 返到飯店梗係無咁快瞓啦，轉頭換好衫搵埋朋友就再去玩啦，今次去咗間叫"9%"o既的士高，下次有機會會再去，當然除咗場內o既景色之外，其次就係價錢超抵，台幣600NT入場，初時以為似香港咁，用張飛去換嘢飲，點知係無限添飲o嫁，仲要唔係威士忌就伏特加，所以自問飲得o既朋友，有機會可以去試試，值得推介呀… 玩完之後就轉場再去另1間ktv，返到飯店已經4點幾啦，一於咩都唔理，大覺瞓…
最後嗰朝又俾奪命morning call嘈醒，嗱嗱聲執埋行李就出發啦，今次我哋再破紀錄，用咗分零鐘就搞掂個早餐啦，勁呢？ 今日先先去參觀一下台灣原住民o既歷史，睇下蜂皇槳、靈芝、鹿胎咁… 之後就再向"台北101"出發，諗住最後衝刺幫阿媽搵山楂粉，可惜都搵唔到，之後就梗係去醫肚啦… 食飽飽就再向"農民合作社"出發，飲咗杯正宗凍頂烏龍茶、綠茶益力多，都幾好味呀… 之後導遊哥哥見有時間就帶咗我哋去"忠烈祠"參觀，點知咁啱有班日本少女出現，當然謀殺咗我部相機唔少memory啦，最後向last一個景點出發，一間風水店，啲師父仲幫我哋每個團友算命o添，但真係講到幾準，令我有啲擔心o添… 好快趣台灣o既4日3夜行程就完結啦，我哋朝住機場o既方向踏上歸途…
總括今次行程各方面都唔錯，好好玩，仲滿載而歸o添，呵呵… September 10 鼻敏感嚴重了…唉… 好渣呀，又病啦，今日鼻敏感發作呀，個鼻塞晒，所以晏就出咗旺角睇醫生，嚟緊仲要食足一星期抗敏感藥呀，加埋支噴藥o添，呢輪真係睇醫生都睇到窮呀…
我諗我都係要去減吓肥，多做番啲運動先，再咁落去真係唔多掂呀，呢兩個幾月睇咗5次醫生啦，最勁過喺citi嗰時，天呀…
September 09 來自台灣的朋友今日有位台灣o既朋友嚟咗hk，雖然係短短幾個鐘，但我哋都去咗唔少地方，食咗唔少嘢o嫁，希望下次又可以再玩過啦…
今日我亦都奉獻咗我人生o既第一次，就係………
買咗本"龍虎豹" 俾另一個台灣朋友做手信，但買o既過程真係尷尬到爆燈呀…
 另外，好多謝妳喺北京帶嚟o既平安符呀，我會好好咁保全佢，多謝晒！ 難忘的生日派對…好多謝各位朋友噚晚抽空出席細佬o既生日派對呀，希望大家都得開心啦…
 噚晚好開心一班識咗好多年o既舊同學、舊同事都嚟咗
 ，無咗您哋噚晚唔會玩得咁開心…不過，我真係失敗，始終都係"清醒嚟、醉住走"
   ，好彩有人送我返屋企咋，唔係實俾人賣豬仔，呵呵…我喺度奉勸各位：飲酒前真係要食飽啲、同埋睇清楚人哋俾咩嘢您飲至好飲呀，我就係咁中招啦，唉…
 P.S. 我醉到第二晚都未酒醒呀，呵呵…  September 06 慶祝活動第二天…今日我收到一個電話，我同佢由糼稚園識到而家，足足有廿幾年呀，我同佢o既感情就好似親兄弟一樣，好多嘢唔駛講出已經心照…
佢對我真係好好，知我今晚要返學都專登等埋我先食飯，真係唔好意思呀！
今餐我哋2個都食到好飽，而且仲傾咗好耐，真係好耐無同佢傾過偈啦，好開心…
不過，我好衷心希望7號嗰晚你可以出席，我好想同你飲番杯呀，我o既好兄弟 ~ Henry September 05 慶祝活動開始啦…由於補假o既關係，今日上晝放番半day，可惜瞓到11點就俾個"肥妹"嘈醒咗
，但見仲有時間，就約咗個fd去食飯，食完未夠2點就返到公司完成埋餘下o既半天工作，一直踩到七點到，雖然手頭上o既工作仲未搞掂，但因為咁日約咗另一班UAo既舊同事食飯，所以嗱嗱聲執嘢走啦… (但原來我係成個部門最後一個走，唔通月頭真係咁爽？) 之後，約埋個舊同事一齊撘MTR向銅鑼灣出發，目的地喺時代廣場13樓o既食通天，今次係幫襯嗰間 "California Pizza Kitchen"
 ，啲嘢食都幾好味，不過最搞笑係遇到2個特別o既待應，一個男o既把聲超低聲，送食物上枱o既時候超爆笑，佢每送一次我哋都忍唔住要笑一次﹔另一個係女o既，我同個fd叫咗凍檸茶，佢不停咁幫我哋refil，叫咗唔駛都仲要加，真係飲到怕怕呀… 到戲肉啦，食飽飽之後，由餐廳經理送上一個小蛋糕  ，之後我班朋友送上今天第二份o既生日禮物，係一個agne's b o既鎖匙包，份禮物我好鍾意，亦都好啱用，多謝晒各位！ September 04 繁忙的一天…今日真係超忙呀，一返到公司食埋件蛋牛治就開工啦，一直踩到12點，連食lunch都要一邊食、一邊做，真係慘… 點解？點解？ 連個天都要玩我…
結果一直踩到七點半至收工， 之後嗱嗱聲返屋企煮麵食，因為之後我有個重要o既"約會"…
呢個約會就係同我個fd去打波，仲要入到寶林打，不過可能太耐無做運動啦，想跑都跑唔郁呀，真係好攰、又唔夠氣，唔通呢啲就係"歲月趨人"，唉…
不過，好彩聽日返2點，可以瞓餐飽，yeah！ |
|
|
